बेंगलुरु । भारत बेंगलुरुको होयसाला नगरमा छ वर्षीया नेपाली बालिकालाई यौन दुर्व्यवहार र हत्या गरिएको छ । बेंगलुरु प्रहरीले उक्त अपराधमा बिहारका एक जनालाई पक्राउ गरेको  इन्डिया टुडेमा प्रकाशित समाचारमा उल्लेख छ । 

सोमबार साँझ बालिकाका अभिभावक काममा गएका बेला अभिषेक कुमार भनेर चिनिने अभियुक्तले बालिकालाई सुनसान क्षेत्रमा लगेर बलात्कार गरेपछि हत्या गरेको बताइएको छ । स्थानीयले बालिकालाई फेला पारेर आरोपीलाई पक्राउ गरेपछि घटना खुलेको हो । 

प्रहरीका डीसीपी डी देवराजले अभियुक्त पक्राउ परेको पुष्टि गरेका छन् । राममूर्ति नगर प्रहरीले यौन अपराधबाट बालबालिकाको संरक्षण (पोक्सो_ ऐन र भारतीय न्याय संहिता (बीएनएस)को सम्बन्धित धाराहरू अन्तर्गत मुद्दा दर्ता गरेको छ।