धनगढी । कैलालीको धनगढीमा आज पनि शनिबारीय महिला उद्यम मेला लागेको छ । अघिल्लो शनिबारदेखि धनगढी उपमहानगरपालिकाले महिला उद्यम मेला आयोजना गर्न थालेको थियो । 

आजको उद्यम मेलामा उद्यमी महिलाले उत्पादन गरेका सामाग्री र परम्परागत खानपानका स्टल राखिएको छ । मेलामा नृत्य प्रतियोगितासहित विभिन्न सांस्कृतिक कार्यक्रमसमेत आयोजना गरिएको थियो । मेलामा बालबालिकाले खेल्न मिल्ने प्ले–स्टेशनसमेत राखिएको थियो । 

व्यवसाय प्रवृद्धनसँगै स्थानीय कला र संस्कृतिको जगेर्ना गर्न आगामी दिनमा लाग्ने मेलामा तालिकाअनुसार विभिन्न कार्यक्रम गर्ने उपमहानगरले जनाएको छ ।