धनगढी । धनगढी उपमहानगरपालिकाले थप पाँच सय ५३ पोलमा स्ट्रिप लाइट बालेको छ । धनगढीका उपमेयर कन्दकला रानाले शुक्रबार सो लाइट उद्घाटन गरेकी छन् । 

उनले नगरको सौन्दर्यकरण र सुरक्षाका लागि उज्यालो धनगढी अभियानअन्तरगत स्ट्रिट लाइट र स्ट्रिप लाइट जडान गर्ने अभियान नगरको सबै वडामा सञ्चालन गरिने बताए । उनले थप ठाउँका लागि सडक बनाउन र लाइट जडानका लागि ठेक्का भइसकेको बताइन् ।

उपमहानगरपालिकाले शहिदगेट–क्याम्पस रोड, क्याम्पस रोड–क्याम्पस गेट, मालपोत रोड, राष्ट्र बैंक चौक–एलएन चोक, हसनपुर रोड, पिपलचौतारा–जाइँ र एसपीए कलेज–गुल्म–चर्च सडकको पाँच सय ५३ पोलमा स्ट्रिप लाइट जडान गरेको हो ।