धनगढी । सेती प्रादेशिक अस्पतालको तेस्रो तलाबाट एक बिरामीले हाम फालेका छन् । कैलालीको गोदावरी नगरपालिका–१ का ६३ वर्षीय चक्रबहादुर सिंहले अस्पताल भवनको तेस्रो तलाबाट हाम फालेका हुन् ।

प्रादेशिक अस्पतालका सूचना अधिकारी किशोर श्रेष्ठले सिंहको अवस्था गम्भीर छ । सेती प्रादेशक अस्पतालमै सिंहको उपचार भइरहेको श्रेष्ठले जानकारी दिए । 

‘मृगौला पीडित सिंह डायलासिसका लागि सोमबार प्रादेशिक अस्पतालमा आएका थिए,’ सूचना अधिकारी श्रेष्ठले भने, ‘चिकित्सकको सल्लाहअनुसार उनलाई मेडिकल वार्डमा भर्ना गरिएको थियो । आज दिउँसो २ बजे एक्कासी तेस्रो तलाबाट हाम फालेर गम्भी घाइते भएका छन् ।’

कुरुवा बसेकी श्रीमती इश्वरीदेवीलाई एकैपछिन बाहिर जान्छु भनेर निस्किएका सिंहले तेस्रो तलाबाट हाम फालेको बताइएको छ ।