धनगढी । नेकपा एमाले डोटीको अध्यक्षमा मञ्जु मलासी निर्वाचित भएकी छन् । एमाले डोटीको नवौँ जिल्ला अधिवेशनमा मलासीले शेर मल्ललाई पराजित गर्दै निर्वाचित भएकी हुन् । उनी एमालेका पूर्वउपाध्यक्ष भीम रावल पक्षधर हुन् । 

यस्तै उपाध्यक्षमा खगेन्द्र बडैला, सचिवमा पदमराज भट्ट, उपसचिवमा खुल्लातर्फ डम्मरसिँह डौडी, महिलातर्फ विष्नादेवी सिंह निर्वाचित भएकी छन् । पदाधिकारीमा निर्वाचितमा पनि मलासीकै प्यानल हाबी देखिएको छ । 

अध्यक्षमा निर्वाचित मलासी दीपायल सिलगढी नगरपालिकाकी पूर्वमेयर पनि हुन् ।