धनगढी । कञ्चनपुरमा तीन फरार प्रतिवादी पक्राउ परेका छन् । लागुऔषध मुद्दामा २२ दिन कैद सजाय तोकिएका वेदकोट नगरपालिका-७ वसन्तपुर बस्ने २९ वर्षका अजय डगौरा, सोही मुद्दामा २ महिना १६ दिन कैद सजाय तोकिएका धनगढी उपमहानगरपालिका-१३ कैलारीगाउँ बस्ने २९ वर्षका मदन राना र चेक अनादर मुद्दामा २ हजार रुपैयाँ जरिबाना तोकिएका वेदकोट-८ भासी बस्ने ४० वर्षका वीरबहादुर शाह पक्राउ परेका हुन् । 

जिल्ला अदालत कञ्चनपुरको फैसलाले कैद सजाय तथा जरिबाना ठहर भई फरार रहेका उनीहरुलाई आइतबार जिल्ला प्रहरी कार्यालय कञ्चनपुर तथा मातहत कार्यालयबाट खटिएको प्रहरी टोलीले पक्राउ गरेको जनाएको छ ।