धनगढी । कैलालीका दुई जना लागुऔषधसहित पक्राउ परेका छन् । आइतबार धनगढी उपमहानगरपालिका-७ क्याम्पस चोकबाट सोही ठाउँ बस्ने १७ वर्षीय किशोरलाई २३० मिलिग्राम लागुऔषध खैरो हेरोइन जस्तो देखिने धुलो पदार्थसहित जिल्ला प्रहरी कार्यालय कैलालीबाट खटिएको टोलीले नियन्त्रणमा लिएको हो । 

हिजो नै कञ्चनपुरको बेलौरी नगरपालिका-८ पचुईबाट कैलालीको गोदावरी नगरपालिका-२ तेघरी बस्ने २१ वर्षका कमल खड्कालाई ४.३१ ग्राम लागुऔषध खैरो हेरोइनसहित इलाका प्रहरी कार्यालय बेलौरी, कञ्चनपुरबाट खटिएको टोलीले नियन्त्रणमा लिएको हो । दुवै जनामाथि थप अनुसन्धान भइरहेको प्रहरीले बताएको छ ।