काठमाडौँ । परराष्ट्र मन्त्री आरजु राणाले सोमबार संसद्को अन्तर्राष्ट्रिय सम्बन्ध समितिको बैठकमा बोल्दै हमासको अपहरणमा परेका विपिन जोशी सकुशल रहेको बताएकी छन् । उनले विपिन सकुशल रहेका र फर्केर आउनेमा आफू ढुक्क रहेको बताइन् ।  ‘विपिन भाइ सकुशल हुनुहुन्छ । उहाँ फर्केर आउनुहुन्छ भन्ने ढुक्क छु,’ उनले भनिन् । 

उनले यो विषयमा कतारका राजदूतसँग फोनमा कुरा भएको पनि बताइन् । उनले भनिन्– ‘कतारको राजदूतसँग फोनमा कुरा गरे । त्यहाँको परराष्ट्रमन्त्रीलाई कुरा राख्छु भन्नुभएको छ । भोलि कतारको परराष्ट्र मन्त्रीसँग फोनमा कुरा गराउँछु भन्नुभएको छ । मलाई कुरा हुने आशा छ ।’