धनगढी । कैलालीमा अटो रिक्सा र मोटरसाइकल आपसमा ठोक्किँदा चार जना घाइते भएका छन् । पूर्वपश्चिम राजमार्ग अन्तरगत घोडाघोडी नगरपालिका-५ मा मंगलबार सुपप्र ०१००१० प ४२८७ नम्बरको मोटरसाइकल र से१ह २९६२ नम्बरको अटो रिक्सा ठोक्किएका हुन् ।

दुर्घटनामा मोटरसाइकल चालक मुकेश डगौरा, पछाडि सवार अनामिका चौधरी, मेनुका चौधरी र अटो चालक करनसिंह थारू घाइते भएका प्रहरीले बताएको छ । उनीहरूको घोडाघोडी अस्पतालमा उपचार भइरहेको जिल्ला प्रहरी कार्यालय कैलालीले जनाएको छ ।