धनगढी । कैलालीका बिहारे चौधरी चितुवाको दाँत र छालासहित पक्राउ परेका छन् । भजनी नगरपालिका-३ ठेकिपुरबाट सोही ठाउँ बस्ने ५६ वर्षका चौधरी शुक्रबार ७ फिट ४ इन्च लम्बाइ, १ फिट १० इन्च चौडाइ र सानो ठुलो गरी जम्मा १२ वटा चितुवाको दाँत र छालासहित पक्राउ परेका हुन् । 

उनलाई गोप्य सूचनाको आधारमा सुदूरपश्चिम प्रदेश प्रहरी कार्यालय धनगढी, नेपाल प्रदेश प्रहरी कार्यालय महेन्द्रनगर र इलाका प्रहरी कार्यालय भजनी, कैलालीबाट संयुक्त रुपमा खटिएको प्रहरी टोलीले नियन्त्रणमा लिएको बताएको छ । उनीमाथि थप अनुसन्धान भइरहेको प्रहरीले बताएको छ ।