डडेल्धुरा । डडेल्धुरा सदरमुकाममा रहेको अमरगढी नगरपालिकाले औपचारिक रुपमा बुधबारदेखि नगर प्रहरी बल खटाएको छ । 

बुधबार नगर प्रमुख डिल्लीराज जोशी, उपप्रमुख पार्वती झुकाल, प्रमुख प्रशासकिय अधिकृत लक्ष्मी प्रसाद उपाध्याय लगायतका जनप्रतिनिधि तथा कर्मचारीहरुको उपस्थितीमा नगर प्रहरी बलको स्थापना भएको हो ।  नगरप्रमुख जोशीका अनुसार  बुधबार जिल्ला प्रहरी कार्यालयको सहयोगमा उनीहरुलाई प्रशिक्षणसमेत गराइएको थियो । प्रशिक्षपछि दज्र्यानी चिन्ह प्रदान गरिएको उनले बताए । 

नगरपालिकाले नगर प्रहरीका विभिन्न पदहरुमा यहि मंसिर २५ गते अन्तिम नामावली प्रकाशन गरेको थियो । जसमा नगर प्रहरी नायब निरीक्षक एकजना, नगर प्रहरी हवल्दार एकजना र नगर प्रहरी ५ गरि कूल ७ जना उत्तिर्ण भएका थिए ।