बझाङमा जीप दुर्घटना हुँदा तीन जनाको मृत्यु भएको छ। तलकोट गाउँपालिका धमेना नजिकै राती भएको दुर्घटनामा तीन जनाको घटनास्थलमै मृत्यु भएको प्रहरीले जनाएको छ।

जिल्ला प्रहरी कार्यालयका अनुसार दुर्घटनामा जीप चालक ३३ वर्षीय सम्शेर मल्लको मृत्यु भएको छ। अन्य दुई जनाको पहिचान खुल्न नसकेको जिल्ला प्रहरी कार्यालय बझाङका प्रहरी नायब उपरीक्षक युवराज भण्डारीले बताएका छन्।

चार जना सवार उक्त जीवमा चालकसहित तीन जनाको घटनास्थलमै मृत्यु भएको र एकजना ५ वर्षीय बालिकाको उद्धार गरी उपचारको लागि स्वास्थ्य चौकी पठाइएको उनले बताए। तलकोटबाट सदरमुकाम चैनपुरतर्फ जाँदै गर्दा जीप सडकबाट करिब दुई सय मिटर तल खसेको प्रहरीले जनाएको छ।