धनगढी । डोटीको एक घरमा आगलागी भएको छ । जिल्लाको बोगटान फुड्सिल गाउँपालिका-२ घाटहाल्ना भन्ने ठाउँका भीमबहादुर बोहराको खरले छाएको एकतले घरमा आगलागी भएको हो ।

प्रहरीका अनुसार आगलागीबाट घरभित्रका भाँडावर्तन, लत्ताकपडा, खाद्यान्न, काठ फर्निचरहरु जलेर घर पूर्णरुपमा क्षति भएको छ । आगलागीबाट अन्दाजी चार लाख रुपैयाँ बराबरको क्षति भएको र मानवीय तथा चौपाया क्षति भने नभएको जिल्ला प्रहरी कार्यालय डोटीले बताएको छ ।

खाना पकाउने क्रममा चुलोबाट आगो सल्किएर आगलागी भएको प्रहरीले जनाएको छ । आगो स्थानीय र प्रहरीको सहयोगमा नियन्त्रणमा लिएको थियो ।