काठमाडौँ । प्रहरीले २९ किलो गाँजासहित ३ जनालाई पक्राउ गरेको छ । धनकुटाको सागुरीगढी गाउँपालिका-७ का मोहन राई, सुनसरीको दुहबी नगरपालिका-६ का विशाल कुमार पासवान र भारतीय नागरिक मुन्ना कुमार पासवानलाई मोरङ प्रहरीले पक्राउ गरेको हो ।  

गएराति बुढीगंगा गाउँपालिका-३ मुडेरी, रमाइलो टोलमा उनीहरू सवार मोटरसाइकल चेकजाँच गर्दा २९ किलो गाँजा र ७३ हजार पाँच सय ६० रुपैयाँ नगद फेला परेको प्रहरीले बतााएको छ । तीनै जनामाथि थप अनुसन्धान भइरहेको मोरङ प्रहरीले जनाएको छ ।