काठमाडौँ । काठमाडौँको पिंगलास्थानस्थित होटेलमा मृत फेला परेकी सुस्मिता खड्कासँगै बसेका युवक पनि मृत फेला परेका छन् । ओखलढुंगाका २३ वर्षीय देवबहादुर थापा झुण्डिएको अवस्थामा मृत फेला परेका प्रहरीले बताएको छ । 

सुस्मिताको शव बुधबार फेला परेको थियो । उनी सँगै बसेका थापा फरार थिए । थापा शनिबार दिउँसो ओखलढुंगाकै सुनकोसी गाउँपालिका–३, सिस्नेरीमा झुण्डिएको अवस्थामा फेला परेका प्रहरीले जनाएको छ ।   

युवतीको मृत्युको कारण खुलेको छैन भने होटेलमा उनीहरु दुबै जना सँगै बसेको पुष्टि भइसकेको छ ।