दैलेख । दैलेखमा एक हप्ताअघि घरबाट भागेका भगवतीमाई गाउँपालिका–४ मन्घर टोलका १७ वर्षीया शर्मिला थापा र १७ वर्षकै मानसिंह विक मृत फेला परेका छन् ।

अघिल्लो शनिबार (पुष १३ गते) भागेका उनीहरु घरबाट केही टाढा पर्ने जङ्गलमा शनिबार मृत अवस्थामा फेला परेका जिल्ला प्रहरी कार्यालय दैलेखका प्रमुख डीएसपी सुनिल दाहालले बताए ।

उनीहरुबिच प्रेम सम्बन्ध रहेको, घरबाट बिहे गर्न नदिएको होकि भन्ने प्रारम्भिक अनुमान गरिएको र घटनाबारे थप अनुसन्धान भइरहेको डीएसपी दाहालले बताए ।