काठमाडौँ । नेपाल प्रहरीका पूर्वप्रमुख सर्वेन्द्र खनालले नेकपा एमाले छाडेको घोषणा गरेका छन् ।  

सामाजिक सञ्जाल फेसबुकमा उनले स्ट्याटस लेख्दै भनेका छन्, ‘हजुरहरुलाई मेरो राजनीतिक स्थितिबारे अन्यौलमा परेको महसुस गरेर म यसै माध्यमबाट स्पष्ट पार्न चाहन्छु कि म अहिले कुनै पनि राजनीतिक पार्टीसँग आबद्ध छैन । म स्वतन्त्र रूपमा स्थानीय र राष्ट्रिय समस्याहरूको समाधानका लागि काम गरिरहेको छु ।' 

६ असोज २०७९ मा औपचारिक रूपमा एमाले प्रवेश गरेका उनी गत आम निर्वाचनमा काठमाडौँ क्षेत्र नं.६ बाट प्रतिनिधिसभा सदस्यमा पराजित भएका थिए भने उपनिर्वाचनमा तनहुँबाट समेत पराजित भएका थिए ।