काठमाडौँ । सिन्धुलीमा छोराको हत्या आरोपमा बुबा पक्राउ परेका छन् । हरिहरपुरगढी गाउँपालिका–३ चपराडाँडाका ७६ वर्षीय डोमान सिंह सार्की पक्राउ परेका हुन् । 

उनले आफ्नै माइला छोरा ४९ वर्षीय लिलाबहादुरको हत्या गरेको आरोप छ । डोमान सिंहले घरायसी विवादको क्रममा गल प्रहार गर्दा लिलाबहादुर गम्भीर घाइते भएका थिए । उनको उपचारको क्रममा हेटौंडा अस्पतालमा मृत्यु भएको हो । 

छोराको मृत्यु भएपछि बुबालाई शनिबार राति पक्राउ गरिएको प्रहरीले जनाएको छ । उनीमाथि प्रहरीले कर्तव्य ज्यानको कसुरमा अनुसन्धान अघि बढाएको छ ।