धनगढी। कैलालीका प्रमुख जिल्ला अधिकारी धर्मेन्द्रकुमार मिश्रको सरुवा भएको छ। गृह मन्त्रालयले उनको सरुवा सुनसरी गरेको छ। उनले अब सुनसरीको प्रमुख जिल्ला अधिकारीको जिम्मेवारी सम्हाल्ने छन्।

मन्त्रालयले सात वटा जिल्लाका प्रमुख जिल्ला अधिकारीसहित १२ जना सहसचिव तथा उपसचिवको सरुवा गरेको हो।

कैलालीमा प्रमुख जिल्ला अधिकारीको रुपमा गृह मन्त्रालयका सहसचिव गोगनबहादुर हमाल आउदै छन्।

कुशल प्रशासकको छवि बनाएका मिश्रले २०८० पुष ४ गते कैलालीको प्रमुख जिल्ला अधिकारीको जिम्मेवारी सम्हालेका थिए।

जनगुनासो र जनसरोकारका विषयमा तत्काल सम्बोधन गर्ने उनको कार्यकाल विवादरहित रह्यो।