धनगढी । धनगढीमा प्रहरीले भन्सार छलीको सामान फेला पारेको छ । धनगढीका विभिन्न स्थानमा १ लाख ४० हजार ५५० मूल्य बराबरको अवैध रुपमा भारतबाट भन्सार छली ल्याएको सामान प्रहरीले बेवारिसे अवस्थामा फेला पारेको हो । 

सोमबार धनगढी उपमहानगरपालिका-२ ट्राफिक चौराह, शिसा पोष्ट, नल्काघाट, धनगढी-७ सरस्वती स्कुल नजिक, घुइयाघाट, धनगढी-१२ बिरेघाट र धनगढी-१४ 'ज' गाउँमा प्याज, चिनी, गुड, नरिवल, मसाला, पास्ता, केक पाउडर, बिडी, सुर्ती, साबुन, मोटरसाइकलका पार्ट्स, वेल्डिङका सामान, वेल्डिङ मेसिन, साइकलका सामान लगायत जिल्ला प्रहरी कार्यालय कैलाली तथा मातहत कार्यालयबाट खटिएको गस्ती टोलीले बेवारिसे अवस्थामा फेला पारी नियन्त्रणमा लिएको जनाएको छ ।