धनगढी । कैलालीमा रोकिएको अटोमा मोटरसाइकल ठोक्किँदा तीन जना घाइते भएका छन् । सोमबार राति ८ बजे लम्कीचुहा नगरपालिका–३ चिसापानी नजिकै गोरुङ्गेमा रोकाइराखेको सुदूरपश्चिम प्रदेश ०१००१ ह ४४६६ नम्बरको अटोमा सुपप्र ०१०१० प २५९५ नम्बरको मोटरसाइकल ठोक्किएको हो । 

दुर्घटनामा अटो चालक लम्कीचुुहा नगरपालिका–१ बस्ने २५ वर्षीय कमल न्यौपाने, मोटरसाइकल चालक कालीकोटको त्रिवेणी गाउँपालिका–३ बस्ने २५ वर्षीय मदनराज देवकोटा र पछाडि सवार जाजरकोटको बारेकोट गाउँपालिका–३ बस्ने ३९ वर्षीय चन्द्रविक्रम शाही घाइते भएका कैलाली प्रहरीले बताएको छ । 

घाइतेहरुको लम्कीस्थित लालरत्न अस्पतालमा उपचार भइरहेको जिल्ला प्रहरी कार्यालय कैलालीले जनाएको छ ।