धनगढी । मंगलबार डोटीको जङ्गलमा एक महिलाको कंकाल फेला परेकोमा सनाखत हुन सकेकाे छैन । जिल्ला प्रहरी कार्यालयका अनुसार केआईसिंह गाउँपालिका–६ लामाडाडास्थित जङ्गलमा महिलाको कंकाल फेला परेको थियाे ।

डोटी प्रहरी प्रमुख एसपी विनोद शर्माले मृत महिलाको हड्डी, कपाल र लुगा फेला परेको बताउँदै सनाखत हुन नसकेको जानकारी दिए ।

'आसपासका वडामा पनि हामीले सोधपुछ गरेका छौँ,' उनले भने, 'तर त्यो ठाउँमा कोही बेपत्ता पनि छैन । अब देशैभरि हुलिया परिपत्र गर्छौं ।' शवलाई पोस्टमार्टमको लागि जिल्ला अस्पताल ल्याइएको उनले जानकारी दिए ।