धनगढी । कञ्चनपुरको शुक्लाफाँटाका विद्यालयमा जाडो बिदा दिइएको छ । शुक्लाफाँटा नगरपालिकाले बुधबार सूचना जारी गर्दै २८ गतेसम्म पालिका अन्तर्गतका सम्पूर्ण विद्यालयहरुमा जाडो बिदा दिइएको जनाएको हो ।

केही दिनदेखि चलेको शितलहरका कारण अत्यधिक चिसो बढ्न गई विद्यालयको नियमित पठनपाठनमा अवरोध र विद्यार्थीहरुको स्वास्थ्यमा प्रतिकुल असर पर्न सक्ने हुँदा यही पुष २५ गतेदेखि २८ गतेसम्म बिदा दिइएको सूचनामा उल्लेख छ ।