सल्यान । सल्यानमा दुई जना दिदीबहिनी घरभित्रै मृत भेटिएका छन् । बुधबार बिहान बनगाड कुपिण्डे नगरपालिका–११, सिस्नेपालत भन्ने गाउँकी ३ वर्षीया करिष्मा राना र उनकी ६ महिनाकी बहिनी राघवी राना मृत भेटिएका जिल्ला प्रहरी कार्यालय सल्यानका सूचना अधिकारी रमेश क्षेत्रीले बताए । 

उनीहरुका बाबु टेकमान राना रोजगारीका सिलसिलामा जिल्ला बाहिर रहेको र आमा पूर्णिमा राना घरमै भएपनि घटनाबारे अझै खुलिनसकेको उनले बताए । स्वास्थ्यमा कुनै समस्या नरहेको उनीहरु मृत अवस्थामा फेला परेकोले घटना शङ्कास्पद रहेको क्षेत्रीले बताए ।