रुकुमकोट । मध्यपहाडी राजमार्ग अन्तर्गत रुकुम पूर्वको सिस्ने गाउँपालिका-५ धारापानीमा पोखराबाट रुकुमपूर्वको सदरमुकाम रुकुमकोट आउँदै गरेको ग १ ज ७१०८ नम्बरको जिप दुर्घटना भएको छ । बिहीबार बिहान भएको दुर्घटनामा चार जना घाइते भएका छन् ।

रुकुमपूर्वको पुथा उत्तरगंगा गाउँपालिका-५ का २२ वर्षीय प्रेम कामी, सोही स्थानका जिप चालक २१ वर्षीय जुतेस शेर्पाली, बारा घर भएका १८ वर्षीय सर्पराज देवा र बाराकै १८ वर्षीय चन्द कुमार देवा घाइते भएका जिल्ला प्रहरी कार्यालय रुकुमपूर्वले बताएको छ । 

घाइतेहरुलाई उपचारका लागि जिल्ला अस्पताल रुकुमपूर्वमा ल्याइएको र दुई जनालाई थप उपचारका लागि रुकुम पश्चिमको मुसिकोट खलंगामा रिफर गरिएको प्रहरीले बताएको छ । जिपको टायर फुस्केपछि दुर्घटना भएको बताइएको छ ।