काठमाडौँ । दक्षिण भारतीय अभिनेता यशको जन्मदिनको अवसर पारेर प्रतीक्षित फिल्म ‘टक्सिक’को टिजर बुधबार सार्वजनिक गरिएको छ । टिजरमा उनको रोयल लुक्स देख्न सकिन्छ ।  

५९ सेकेन्डको टिजरमा यश सेतो सुट लगाएर चुरोट पिउँदै ‘पाराइसो’ नामक आकर्षक नाइट क्लबमा गएको देखिन्छ । टिजरलाई यशले सामाजिक सञ्जालमा सेयर गर्दै क्याप्सनमा लेखेका छन्, ‘अनलिस्ड ।' 

फिल्मलाई गीतु मोहनदासले निर्देशन र केभीएन प्रोडक्सन, मोन्स्टर माइन्ड क्रिएसनले संयुक्त रूपमा निर्माण गरेका हुन् ।