कैलाली । शनिबार राति सुदूरपश्चिम प्रदेशका थोरै ठाउँमा हल्का वर्षाको सम्भावना छ । जल तथा मौसम पूर्वानुमान महाशाखाका अनुसार अहिले पश्चिमी वायुको प्रभाव छ । 

आज राति भित्रिने प्रणालीले धनगढी, डडेल्धुरालगायतका ठाउँमा हल्का वर्षा हुन सक्ने महाशाखाका मौसमविद् सञ्जिव अधिकारीले बताए ।

कर्णाली प्रदेशका पनि थोरै ठाउँमा हल्का वर्षाको सम्भावना छ भने कर्णाली, सुदूरपश्चिम, कोशी, गण्डकीका उच्च पहाडी तथा हिमाली केही ठाउँमा हल्का हिमपातको पनि सम्भावना रहेको छ । महाशाखाले सोमबारदेखि मौसममा सुधार हुने जनाएको छ ।