हेटौँडा । मकवानपुरको मनहरी गाउँपालिका–६ डिपार्टस्थित पूर्व पश्चिम सडक खण्डमा स्कारपियो र कार आपसमा ठोक्किँदा ८ जना घाइते भएका छन् । 

जिल्ला प्रहरी कार्यालय मकवानपुरका अनुसार शनिबार दिउँसो १ बजेको समयमा वीरगन्जबाट चितवनतर्फ जाँदै गरेको बागमती प्रदेश ०१–०२६ च ५२५० नम्बरको स्कारपियो र चितवनबाट हेटौँडातर्फ आउँदै गरेको बा १६ च ८३२४ नम्बरको कार एकआपसमा ठोक्किएका हुन् ।  

 दुर्घटनामा घाइते भएका सबैको अवस्था गम्भीर रहेको र उपचारको लागि चितवनतर्फ पठाएको प्रहरीले बताएको छ ।