धनगढी । कैलालीमा ट्याक्टर र ट्रकमा ठोक्किएर मोटरसाइकल चालक गम्भीर घाइते भएका छन् । गौरीगंगा नगरपालिका-१ मा सोही ठाउँ बस्ने २० वर्षीय निराजन चौधरीले चलाएको सुपप्र ०१०१२ प ३०४९ नम्बरको मोटरसाइकल ट्याक्टर र ट्रकमा ठोक्किँदा उनी गम्भीर घाइते भएका हुन् । 

प्रहरीका अनुसार शनिबार ओभरटेक गर्ने क्रममा गौरीगंगा-१ बस्ने कृष्णबहादुर चौधरीले चलाएको सुपप्र ०१०११ त ६९५८ नम्बरको ट्याक्टरमा ठोक्किएको मोटरसाइकल गोदावरी नगपालिका-२ का २७ वर्षीय मनोज ओलीले चलाएको ना ६ ख १८७६ नम्बरको ट्रकमा बजारिएको थियो । 

दुर्घटनामा चालकको दाहिने खुट्टा भाँचिएको र उनलाई धनगढीस्थित माया मेट्रो अस्पतालबाट काठमाडौ रिफर गरिएको जिल्ला प्रहरी कार्यालय कैलालीले जनाएको छ । 
उनको अवस्था गम्भीर रहेको प्रहरीले बताएको छ ।